Во рамки на низата концерти низ неколку македонски градови, хорот „Драган Шуплевски„ при ФМУ - Скопје под раководство на проф. м-р Сашо Татарчевски зеде учество на меѓународниот хорски фестивал „Vox Lichnidos“ кој се одржа на 21 и 22 јуни во Охрид. Имајќи предвид дека концертот се одржа во прекрасниот амбиент на црквата Св. Софија, професорот Татарчевски за овој настап избра програма која е соодветна за тој простор, односно композиции од духовниот репертоар на хорот. Како и секогаш, многубројната публика но и околу 150 хористи од другите хорови - учесници не можеа да го сокријат воодушевувањето и возбудата по завршувањето на секоја од изведените композиции на нашиот хор.